მე შენი მიყვარს

me sheni miyvars
მე შენი მიყვარს თვალები
და სიყვარულის ფერები
მე შენი მიყვარს ტუჩები
და გათოშილი ხელები.

მე შენი მიყვარს სინაზე
გულს ათბობს შენი ხატება
მოდი და გეტყვი იმაზე,
რაც მომიტანა ამ წლებმა.

მე გულს მინათებს წყურვილი
ამ უჩვეულო მხარისა
და ეფინება ჩემს სხეულს,
სხივი ვერცხლისფერ მთვარისა.

შენი სახელი ჩემს გულში
მუდამ პირველი წერია
მოდი და გეტყვი მიყვარხარ
უკვე ეს ერთი წელია.

სულში ნათელი ფერები
გზას სიბნელეში მიკვალავს
ბევრის ბინძური ხელები
გზაში სინათლეს მიმალავს.

მოვალ და გულში ჩაგიკრავ
ყველგან,ყოველთვის დაგიცავ
და ამ გრძნობაში ჩაფლული
ხელზე ბეჭედსაც დაგისვამ.