ერთი ვერსიც არ მივლია

erti versic ar mivlia leqsebi siyvarulze
ერთი ვერსიც არ მივლია, -
ვკეცე შორი გზები, -
შენზე რომ არ მეოცნებოს,
შენს თავს გეფიცები.

გზას გზა ცვლიდა, შარას - შარა
და მათ კიდევ სხვები,
ყველა შენსკენ მოილტვოდა,
შენს თავს გეფიცები.

გავიარე ვაკეები,
გადავლახე მთები,
შენზე ფიქრი სულ თან მდევდა,
შენს თავს გეფიცები.

გადავსერე უდაბნონი,
გადავცურე ზღვები,
მირაჟებშიც შენ გხედავდი,
შენს თავს გეფიცები.

ერთი ღამეც არ გასულა, -
უკან მომრჩა წლები, -
შენ რომ არ მომნატრებოდე,
შენს თავს გეფიცები.

ვიჩოქები შენს ფეხებთნ,
კი არა და... ვწვები!
მე უშენოდ ვერ ვიცოცხლებ,
შენს თავს გეფიცები