მინდა ვიცხოვრო ისეთ ქალაქში

minda vicxovro iset qalaqshi leqsebi poezia
მინდა ვიცხოვრო ისეთ ქალაქში,

სადაც იმეფებს სიკეთის სითბო,

სადაც არავის სჭირდება ფული

და ერთ ღიმილზე ყველაფერს გითმობს.

მინდა ვიცხოვრო ისეთ ქალაქში,

სადაც ბოროტი ვერ გაიხარებს,

სადაც თუ ვინმეს გაუჭირდება,

არავინ შველას არ დაიზარებს.

სადაც სიყვარულს არ გიკრძალავენ,

სადაც ჰაერში არ ჭარბობს მტვერი

ქალაქში,სადაც არც ერთ სულიერს,

არ ეყოლება არასდროს მტერი...