მე შენ მოგიტან სიყვარულს ულევს

მე შენ მოგიტან სიყვარულს ულევს,
ზედ შემოგახვევ როგორც ხვიარებს,
არ ჩამეთვლება ალბათ ღალატად,
შენთან მოსვლა რომ დავაგვიანე.
მსურს ძველებურად მიმხელდე გრძნობებს,
ვხედავდე როგორ აგორდა ცრემლი,
ისევ ბავშურად მიკრეფდე იებს,
თან მელოდია უკრავდეს ძველი...
მე გულს მოგიტან იმედით სავსეს,
თვალები გეტყვის ვიცი დანარჩენს,
მე საუკუნის ცრემლებს მოგიტან,
შენ გამომიტან ალბათ განაჩენს.
დღეს სიყვარული კარდაკარ დამაქვს,
შენ ვარდებს მირჩევ ისევ ცვრიანებს,
არ ჩამეთვლება ალბათ ღალატად,
თუ შენთან მოსვლა დავაგვიანე.

ლალი-ელენე ლაზაშვილი