შენ, ტაშს რომ მიკრავ, ალბათ, არ იცი,
რა ძნელი იყო აქამდე მოსვლა;
უცეცხლოდ ბევრჯერ, ბევრჯერ დავიწვი,
მაგრამ მფარავდა განგების ლოცვა.
რომ ჩემი ლექსი დღეს ასე მხნედ და
ასე სიმღერით დაუხვდეს დარდებს;
შენ არც ის იცი, ადგილის დედა
თავგამეტებით მიცავდა რამდენს.
რამდენჯერ, ღმერთო, დავოსდი ცრემლით
და მივესვენე ბალიშს დაღლილი,
შენ არც ის იცი, ვიცხოვრე რწმენით
მე ოდისევსის ერთგულ ძაღლივით.
რამდენჯერ, სხვათა გამო, ცხოვრებამ
მცემა, მათრია სისხლის ტბორებში
და არ გამაჩნდა სხვა რამ ქონება,
მხოლოდ ობოლი სული და ლექსი.
მერე ნარ-ეკალს აჯობა რწმენამ,
დაუმსხვრევლად რომ მესვენა გოგოს...
შენ, ტაშს რომ მიკრავ, არ იცი ჯერაც,
ამ დღემდე მოსვლა გაჭირდა როგორ!..
მთვარისა ფუხაშვილი - კევლიშვილი
რა ძნელი იყო აქამდე მოსვლა;
უცეცხლოდ ბევრჯერ, ბევრჯერ დავიწვი,
მაგრამ მფარავდა განგების ლოცვა.
რომ ჩემი ლექსი დღეს ასე მხნედ და
ასე სიმღერით დაუხვდეს დარდებს;
შენ არც ის იცი, ადგილის დედა
თავგამეტებით მიცავდა რამდენს.
რამდენჯერ, ღმერთო, დავოსდი ცრემლით
და მივესვენე ბალიშს დაღლილი,
შენ არც ის იცი, ვიცხოვრე რწმენით
მე ოდისევსის ერთგულ ძაღლივით.
რამდენჯერ, სხვათა გამო, ცხოვრებამ
მცემა, მათრია სისხლის ტბორებში
და არ გამაჩნდა სხვა რამ ქონება,
მხოლოდ ობოლი სული და ლექსი.
მერე ნარ-ეკალს აჯობა რწმენამ,
დაუმსხვრევლად რომ მესვენა გოგოს...
შენ, ტაშს რომ მიკრავ, არ იცი ჯერაც,
ამ დღემდე მოსვლა გაჭირდა როგორ!..
მთვარისა ფუხაშვილი - კევლიშვილი