მოგიახლოვდი,
მაგრამ,
ვერ გიწილადე სითბო,
ვერ აგირიე თავგზა,
ვერ გაგიმეტე თითქოს.
არ დაგიხატე ზეცა,
ჩემი ფიქრების ფერით,
ჩემი სამყარო ვრცელი,
არ დავასრულე შენით...
სულზე_ტკივილი მეცვა,
გულზე_ჭრილობა ფართო,
ბიოგრაფიას ჩემსას,
წუთისოფელით ვაწრთობ.
მოგიახლოვდი,
მაგრამ,
ვერ გაგიმეტე თითქოს,
კალმახის ჟინით მთანგავ,
ადევნებიხარ სტრიქონს,
შემოჩვევიხარ, ცელქი
პოეტი ქალის რითმას…
ამ ლექსსაც დავწერ, მეთქი
და...
დაგივიწყებ…
ვფიცავ!..
მაია გონჯილაშვილი