მე,ის ქალი ვარ შენი გულის საზღვრებს,რომ არღვევს,
გიშიშვლებს სურვილს და საწადელს,ჩემით ატეხილს,
მე,ის ქალი ვარ ფიქრებში,რომ სარეცელს გიყოფს,
ჟრუანტელს,რომ გგვრის ჩემეული გრძნობით აღერღილს.
მე,ის ქალი ვარ შენ,რომ დილით უწოდებ მზის სხივს,
დაისსთან ერთად მის ნაკვთებზე კოცნებს არიგებ,
მე,ის ქალი ვარ,სულში ზამთარს,რომ უზაფხულებ,
და,მზიანეთში საცეკვაოდ ვალსზე პატიჟებ.
მე,ის ქალი ვარ გულს,რომ შანთით გაწერს "მიყვარხარ",
და,ვერასოდეს ვერ ამოშლი სულში ჩაბეჭდილს,
მე შენს თვალებში ჩალექილი ნიაღვარი ვარ,
მიძინებია სიყვარულის ღვინით გალეშილს.
შენ,ის კაცი ვისაც ვენდე და გამიმართლდი...