როცა შენს თავთან დარჩები მარტო

როცა შენს თავთან დარჩები მარტო,
გრძნობებს, ანთებულს, დაგიცხრობს წლები...
როცა ცრემლები მოსწყდება ღაწვებს,
გაითავისებ, ვინ არის ,,შენი“....
როს დამტკნარდება ის მღვრიე წყალი,
და გამოჩნდება კენჭები ფსკერზე,
როცა მიხვდები, რომ გიყვარს ქალი....
ქალი, რომელსაც მიიკრავ მკერდზე...
გაითავისებ, ვინ გითბობს ფიქრებს,
ვის შეუძლია დაგინთოს ცეცხლი,
შენს ალიონებს რომ გაასხივებს,
ცისარტყელებით - ჰორიზინტს გაშლის...
მაშინ იფიქრებ, იფიქრებ ჩემზე....
ჩემზე ძვირფასი არაფერია,
მე, მოუთმენლად დაგელოდები....
სხვა არაფერი არ დამრჩენია!....

ნ.გაჩეჩილაძე