შენი სურვილი,ჩემს სურვილს ისე ნაზად ეხება,
გადამავიწყებს უბრალოების სიტყვით შექებას.
ჩამიცურდება პენუარივით ფიქრი მხრებიდან,
ტანს შემაჟრჟოლებს,შენი შემბედავს სითბო შეხებას.
სულის სამკაულს დამიტოვებს,ძოწისას შემხსნის,
ფერმკრთალ დეკოლტეს დამიფარავს მსხვილი თითები.
თეძოჩამოსხმულ სხეულს დაივლის მორცხვად,ყურს ეტყვის,
ვნების მომცველო,გულის სასურველ სხივით ირთვები.
ხელიდან ხელში მტევანივით გადამიწვენს და,
მარცვლად იგემებს თითო-თითოდ სხეულის სიტკბოს.
შენი სურვილი უსასრულოდ გამხდის სამიზნეს,
ჩემი სხეული სიყვარულის ნატყვიარს ითხოვს.
ჩამოჰკრავს დილა გარიჟრაჟზე სიმშვიდის ზარებს,
სხეულს მიაწვდის ფიქრში გათელილ თეთრ პენუარს და
არ დაიწესო სიყვარულში სიგიჟის ზღვარი,
უბრალოება სულს ამშვენებს და თავს გზას უკარგავს.
შენი სურვილი,ჩემს სურვილს ისე ნაზად ეხება,
უსასრულოა ღამის ფიქრებთან ტკბობით შეხება.
ჩამიცურდება პენუარივით დარდი მხრებიდან,
ეს მაშინ,როცა მე უსასრულოდ შენი მერქმევა.
ნათია ფრანგიშვილი
შენი სურვილი ...
⏱️ 1 წთ.
👁️ 2
100%