მე (შენ) ვარ...

მე (შენ) ვარ...
მე ვარ მონატრება საშენგულო,
სულში სინაზესთან შეხამება,
გრძნობა მორეული აპრილი ვარ,
კვირტებდასახეთქი გამარტება.
მე ვარ თბილ ქვეყნიდან დაბრუნება,
საკენკ მომლოდინე ბეღურები,
ადრე დაწყებული გაზაფხული,
მზე ვარ,როცა სხივად მეგულები.
მე ვარ ვარდთა ფურცლის ფერად წვიმად,
მაგ შენს ბილიკებზე დაწვიმება,
ნუ მაეჭვიანებ გაზაფხულო,
როდის გეღირსება დაღვინება.
მე ვარ ცხელი სისხლი შენს ძარღვებში,
შენი გულისცემის აჩქარება,
ტყემლის ყვავილებში დამალული,
მარტის სიანცე და გალაღება.
მე ვარ გაღვიძება სამყაროსი,
შენგან გულდაცლილი აღსარება,
შენ კი,მიზეზი ხარ ჩემი სუნთქვის,
ჩემი სიყვარულის "ამაღლება".
შენ ხარ გაგიჟება მონატრების,
მერე მოლოდინის გახარება,
თოვლში ია-ია თვალფახულა,
ჩემი არსებობის გამართლება...

ალისა ელიაშვილი