ჩემი მე

ჩემი უგულო მე სხვანაირია,
მასში გრძნობები, განცდები თვლემს.
ჩემი უგრძნობი მე სხვანაირია,
გასცემს ცოტას და მოითხოვს ბევრს.
ჩემი უსულო მე სხვანაირია,
სულ სხვას ამბობს და სულ სხვას სწერს.
ჩემი მე ხშირად წყვდიადისფერია,
არ უყვარს სითბო და გაურბის მზეს.
ჩემი მე ამ გულის ტკივილის გვარია,
შენ რომ გიყვარდა იმ გულს არ ჰგავს.
ჩემი მე უშენოდ ცარიელია,
ჩემი მე არ ჰგავს არავის სხვას.
ჩემი გულცივი მე წვიმისფერია,
სხვას არ უჯერებს, სხვისი არ სწამს.
ჩემი მე ჩემი ნაცრემლარია,
ჩემი მე უკვე მეც აღარ მგავს.

დარე გოგაშვილი