დარაჯობს ღამე თავის ტუსაღებს

დარაჯობს ღამე თავის ტუსაღებს -

(darajobs game tavsi tusagebs)

დარაჯობს ღამე თავის ტუსაღებს,
დაბორკილი ჰყავს, უჭერს მარწუხებს.
ღამე ჯოჯოხეთს ცოდვებს უსაღებს,
მითხარ ძმობილო, შენ რა გაწუხებს?
ბევრი ყავს ღამეს დახლთან მუშტარი,
ვაჭრობს ათასგვარ სიამტკბილობით.
აჰა, ქვესკნელით მოდის უსტარი;
-გაეცით ცოდვები მინდობილობით.
-მითხარ ძმობილო, ფიქრები შენი,
ხომ არ დატოვა სხივმა დიადმა?
ნუთუ უკუნი შენც შეიგრძენი?
ხომ არ დაგიპყრო შენც ამ წყვდიადმა?
ქალაქში ქუჩა ხლართავს საცეცებს,
ქუჩა რომელიც ტაძარს გზას უვლის.
შენ კი ძმობილო სინათლე გეძებს,
ქალაქში რომელიც ბორკილებს უდრის.