გადაიღლება მწიფობისთვე ჩემი სიცოცხლით

გადაიღლება მწიფობისთვე ჩემი სიცოცხლით,
უკანასკნელად ჩამიმარცვლავს. დარჩენილ, წამებს,
სტრიქონებს შორის გათავდება ამოსუნთქვა და
ტანჯული სული გადაიხდის ამ გულის ვალებს,
გული გახდება საზღაური ჩემი სიცოცხლის,
მაშინ როდესაც, შეშლილი ზღვა, დახუჭავს თვალებს,
დაველოდები, სასამართლოს დაველოდები,
იმ იმედით რომ, შენი მადლით, ვიხილავ ნათელს,
მწიფობისთვეში დადუმდება ჩემი კალამი
და მოლოდინი სამარესთან გაათევს ღამეს,
თეთრ ფურცელს ცრემლი, სამუდამოდ, დაეყინება,
როდესაც სული დააბრუნებს დაგროვილ ვალებს...

/ქეთი ალასანია/

09.04.15.