დრო გადიოდა...
ვიღაც ტიროდა..
მოგონებებიც,
სადღაც ქრებოდა..
შენ იყავ უტყვი...
და შენ თვალებში
ჩემი წუხილი
ი რ ე კ ლ ე ბ ო დ ა.
ახლოს ვარ შენთან,
ვეღარ მგრძნობ უკვე,
რა მოგივიდა,
რა გემართება?
სად გაქრა ანცი
ჩვენი ტრფიალი,
ის სიყვარული
და აღტკინება.
შენ ტკბილად გძინავს..
ღამეა.. მთვარე
ჩიტივით ტოტზე
ლაღად დაფრინდა,
მე მოვალ შენთან
დილით..რიჟრაჟზე,
არ მითხრა,მორჩა,
ის დრო წავიდა.
დრო არ შეცვლილა,
შენ შეიცვალე..
რაც გულში შეგვრჩა,
ისიც გვეცლება,
გავიდეს წლები,
ჩამქრალ სიყვარულს,
ჩვენს ხსოვნაში,ხომ
ჩვენი ერქმევა.
მე მაინც წავალ,
არ დავარღვიო,
შენი მრწამსი და
სულისკვეთება,
შენა ხარ უტყვი..
და ჩემს თვალებში
შენი დუმილი
ა ი რ ე კ ლ ე ბ ა.
ნანა სელეპანოვა - შენ იყავ უტყვი
⏱️ 1 წთ.
👁️ 3
100%