ოჰ, ღმერთო,აიმ კაცს ვუყვარვარ,
ან იქნებ, ეს ჩემი ფიქრია,
იტყვიან, ტყუილად გულს დაწვავ,
არადა, ეს გული ღირსია.
ზღაპრებში ოცნებებს დავხლართავ,
ვიქნები მე შენი კონკია,
იტყვიან, უფრთხილდი,შავთვალავ,
არადა, რა კოცნა გცოდნია.
ამაღამ მზე შენ სახლს ჩაუვლის,
სხივზე გულები ჰკიდია,
იტყვიან, ქალია, გაუვლის,
არადა, მე ჩემი მითქვია.
მზე შემოდგომის ჭალებში,
ტოტზე შემფრთხალი ნიბლია,
იტყვიან,მზემ მოსჭრა თვალები,
არადა, ეს შენი ხიბლია.
ნანა სელეპანოვა - არადა... იტყვიან
⏱️ 1 წთ.
👁️ 4
100%