მხოლოდ მე რატომ მიწყრები,
ვის ათბობ, მზეო ქაცვია,
დღემუდამ ჩამქრალ სხივებით
ტანზე ღრუბლები გაცვია.
დღეს ქარიც ისე იძროდა,
ვითომ და ჩემი დარდი აქვს,
წვიმავ, იკმარე წვიმობა,
თვალზე ცრემლებად მაყრიხარ.
მზეო, გამოდი, გამოდი,
ღრუბლებში რატომ დადიხარ,
სულ დააბნიე ტაროსი,
ზღვაში გულაღმა ჩადიხარ.
ან ცაზე ვისთვის ანათებ,
ვის უჭვრეტ,ანდა ვინ გიყვარს?
თუ არ დამწვი და დამათბე,
ხვალ ზღვიდან ვინ ამოგიყვანს.
ნანა სელეპანოვა - მზის საგალობელი
⏱️ 1 წთ.
👁️ 2
100%