არა, არა, შენ არა ხარ მსგავსი,
კაცის, ვისაც ჩემი სატრფო ჰქვია,
შენ ცრემლებით დამისველე თვალი,
მე კი შენგან, სიყვარული მშია.
თუ იპოვი ჩემი გულის კარებს,
თუ ფიქრები ჩემთან გამოგრიყავს,
მე დაგხვდები სევდიანი გზაზე,
ცა იქნება ნარინჯისფრად ღია.
თუკი, მზერა შენი ტანში გამცრის
და ვერაფრით გადვურჩები რისხვას,
ნუ იქნები სასტიკი და მკაცრი,
მე ხომ, მხოლოდ მოფერება მინდა.
არა, არა, შენ არა ხარ მთვრალი,
გრძნობით, რასაც დიდი გრძნობა ჰქვია..
დაადუმეთ, აკვნესებულ ქნარის,
კვნესა, მე დღეს სიყვარული მშია!
ნანა სელეპანოვა - არა,არა,შენ არა ხარ
⏱️ 1 წთ.
👁️ 1
100%