ალექსი ჭაუჭიძე - ჩემი სამშობლოს ზეცა მაკლია

ჩემი სამშობლოს ზეცა მაკლია,
მაკლია ზღვა და სურნელი მიწის...
უცხო ქვეყანა სხვა სიზმარია,
მეც ამ სიზმარში უჩუმრად ვიწვი...

ატმების სუნით გაბრუებული,
ჩემი კახეთის ზაფხული მიყვარს..
თოვლში ნისლებით დადუმებული
ყაზბეგის მკაცრი კლდეები მიყვარს!

მე იმერეთის ლაზათი მიყვარს,
სტუმარ- მასპინძლით გალაღებული...
გულიც ყოველთვის იქითკენ მიმყავს,
სადაც ზეცაა ამაღლებული...

ჩემი სამშობლოს ზეცა მაკლია,
მაკლია ზღვა და სურნელი მიწის...
უცხო ქვეყანა სხვა სიზმარია,
მეც ამ სიზმარში უჩუმრად ვიწვი!

14.09.2012