– ჩემს სამშობლოს იქეთ –
ბევრჯერ გულში გამივლია
და მქონია განცდა,
ამ ზღვებს იქით, რა ზღვებია,
ამ მთებს იქით რა მთა..
მომივლია ოცნებებით
ეს ხატულა გზები,
მიღიმოდნენ პროსპექტები,
შოთა რუსთაველი..
თავს ვუხრიდი ბედისწერას
მიწიდან და ციდან,
მაგრამ მე ხომ ვიყავ მარტო,
მარტოობა მცრიდა..
არ ყოფილა არაფერი
ჩემი მიწის იქით,
თურმე აღარ შემძლებია
განშორების ფიქრიც.
ვუბრუნდები მე ჩემს თბილისს!
და მთაწმინდის კალთებს...
სიცოცხლეა ვისაც მისი
ერთგულება მართებს..
მეჩვენება მთებს და ველებს
მზე ვარდებად ათოვს,
ეს მშვენება, ეს ფერები,
როგორ უნდა დავთმო?!
გადამკარგა მონატრებამ,
უცხო ქვეყნის სივრცემ,
მე ვნატრობდი საქართველოს
საქართველოს ცის ქვეშ!..
მერაბ სალუქვაძე - ჩენს სამშობლოს იქით
⏱️ 1 წთ.
👁️ 5
100%