margvelashvili givi dzvel daviwyebul gzaze
აი, ძვირფასო მკითხველო, _ აი, მცირეოდენი ოქრო, გუნდრუკი და მური. აიღე და შეუერთდი იმ ქარავანს! ესენი აღმოსავლელი ბრძენები არიან... ჰო, მართლა, სად მიდიან? შეგიძლია მიპასუხო? არა? ო-ო-ო... დაგვიწყებია. დიდხანს, ძალზე დიდხანს მიედინებოდა შენი უაზრო კითხვა-ცხოვრება უბადრუკ წიგნთა საუფლოში.
მაგრამ, მოიცა! ეგებ გაიხსენო?! აი, აქ ერთი სახედარია. შეაჯექი და გაჰყევი ბრძენებს. მათ ნამდვილად მიიყვანს ვარსკვლავი იქ, სადაც მიდიან. გზის დაკარგვა გამორიცხულია. მაგრამ, მითხარი, ისევ არ იცი, სად მიდიან? ვერ გაიხსენე? ვერა? ოო, ძალიან ცუდი. ძალიან. რადგან ხომ უნდა იცოდე წესით, საით და ვისკენ გაუწევიათ.
ოჰ, ღმერთო ჩემო! ახლა კიდევ შენი ვირი გაჯიუტდა! დადგა და აღარ მიდის. მაგრამ ხომ ხედავ, აქედან ხომ ხედავ სამ მეფეს, იმ დიდ ვარსკვლავს რომ მიჰყევბიან? მოდი, გავიხსენოთ: მაშასადამე, სად მიდიან? დაძაბე, დაძაბე მეხსიერება, გამოიხმე ძველი ცოდნა მისი სიღრმიდან. ეს გზა ხომ ერთხელ შენც გაიარე, თუმცა, მრავალი, მრავალი წლის წინ! და, იცი! ისევ გაივლი, თუ მოინდომებ. სხვებიც გაივლიან, თუკი მართლა მოისურვებენ.
მაშ, ასე: გულით მოიწადინე! ჩადი, ჩაიძირე შენს წარსულში, ფიქრით ჩაღრმავდი... იჩქარე! რადგან ჯერ ისევ მოსჩანს ვარსკვლავი და მინდობილად მიმავალი ბრძენი მეფენი, ჯერ კიდევ შეგიძლია დაეწიო მათ და შეუერთდე.
გერმანულიდან თარგმნა ნაირა გელაშვილმა
აი, ძვირფასო მკითხველო, _ აი, მცირეოდენი ოქრო, გუნდრუკი და მური. აიღე და შეუერთდი იმ ქარავანს! ესენი აღმოსავლელი ბრძენები არიან... ჰო, მართლა, სად მიდიან? შეგიძლია მიპასუხო? არა? ო-ო-ო... დაგვიწყებია. დიდხანს, ძალზე დიდხანს მიედინებოდა შენი უაზრო კითხვა-ცხოვრება უბადრუკ წიგნთა საუფლოში.
მაგრამ, მოიცა! ეგებ გაიხსენო?! აი, აქ ერთი სახედარია. შეაჯექი და გაჰყევი ბრძენებს. მათ ნამდვილად მიიყვანს ვარსკვლავი იქ, სადაც მიდიან. გზის დაკარგვა გამორიცხულია. მაგრამ, მითხარი, ისევ არ იცი, სად მიდიან? ვერ გაიხსენე? ვერა? ოო, ძალიან ცუდი. ძალიან. რადგან ხომ უნდა იცოდე წესით, საით და ვისკენ გაუწევიათ.
ოჰ, ღმერთო ჩემო! ახლა კიდევ შენი ვირი გაჯიუტდა! დადგა და აღარ მიდის. მაგრამ ხომ ხედავ, აქედან ხომ ხედავ სამ მეფეს, იმ დიდ ვარსკვლავს რომ მიჰყევბიან? მოდი, გავიხსენოთ: მაშასადამე, სად მიდიან? დაძაბე, დაძაბე მეხსიერება, გამოიხმე ძველი ცოდნა მისი სიღრმიდან. ეს გზა ხომ ერთხელ შენც გაიარე, თუმცა, მრავალი, მრავალი წლის წინ! და, იცი! ისევ გაივლი, თუ მოინდომებ. სხვებიც გაივლიან, თუკი მართლა მოისურვებენ.
მაშ, ასე: გულით მოიწადინე! ჩადი, ჩაიძირე შენს წარსულში, ფიქრით ჩაღრმავდი... იჩქარე! რადგან ჯერ ისევ მოსჩანს ვარსკვლავი და მინდობილად მიმავალი ბრძენი მეფენი, ჯერ კიდევ შეგიძლია დაეწიო მათ და შეუერთდე.
გერმანულიდან თარგმნა ნაირა გელაშვილმა