სტატუსები - statusebi

ცხოვრება, ბედი და წარუმატებლობა ამოუცნობი საკითხებია. არავინ იცის ვინ რამდენ ხანს იცოცოცხლებს და ამიტომაც სჯობს დროულად თქვა შენი სათქმელი.


ყველა ადამიანი კარგად ვერ მოგექცევა და ნურც მოითხოვ ამას. მხოლოდ ძალიან ახლობელ ადამიანებს აკისრიათ ამის მორალური პასუხისმგებლობა... გახსოვდეს ყველა, ვინც სიკეთით გექცევა, იყავი მადლიერი, თუმცა ამავდროულად სიფრთხილესაც მოუხმე. გახსოვდეს, რომ ყველა ადამიანს აქვს მოტივი რის საფუძველზეც ნაბიჯს დგამს – ბოროტს, თუ კეთილს... როდესაც ადამიანი კეთილად გექცევა ეს სულაც არ ნიშნავს იმას, რომ ნამდვილად უყვარხარ. კარგად დაფიქრდი, ვიდრე ვინმეს მეგობრად მიიღებდე...


არავინაა შეუცვლელი და არ არსებობს ამქვეყნად საგანი, რომელსაც აუცილებლად უნდა ფლობდე. კარგად დაიმახსოვრე ეს სიტყვები და მეტად გაგიადვილდება შეეგუო იმის დაკარგვას, ვინც გიყვარს და იმის ვერ მიღებას, რაც გსურს.


ცხოვრება ხანმოკლეა და როდესაც დღეს დროს კარგავ ხვალ შეიძლება აღმოაჩინო, რომ იგი უკვე აღარ გაქვს. რაც უფრო მალე დააფასებ სიცოცხლეს, მით უფრო უკეთ ისიამოვნებ მისით.


სიყვარულს შეუძლია იყოს, როგორც მუდმივი ასევე წარმავალი. თუ ადამიანმა მიგატოვა, იყავი მომთმენი, დრო მიხედავს შენს ჭრილობებს და სევდას. ნუ გააზვიადებ სიყვარულის სიტკბოს, მშვენიერებასა და განშორების ტკივილს.