ჯოან როულინგი (დ. 31 ივლისი, 1965), ინგლისელი მწერალი, ავტორი ჰარი პოტერის თემაზე შექმნილი წიგნების სერიისა. მისი გაყიდული წიგნების საერთო ტირაჟი 300 მილიონ ეგზემპლარს აღემატება. 2004 წელს ჟურნალმა „ფორბსმა“ მისი ქონება 576 მილიონ ბრიტანულ ფუნტ სტერლინგად (1 მილიარდ დოლარზე მეტი) შეაფასა და იგი პირველი ქალია, რომელმაც წიგნების წერით 1 მილიარდი დოლარი იშოვა. 2007 წლის „სანდი თაიმსის მდიდართა ჩამონათვალში“ მას 136-ე ადგილი მიენიჭა ყველაზე მდიდარ ადამიანთა შორის, ხოლო 13-ე ადგილი ყველაზე მდიდარ ბრიტანელ ქალთა შორის. ჯოანი გახდა შესანიშნავი ქველმოქმედი, ის გაწევრიანებულია ბევრ საქველმოქმედო ორგანიზაციაში.
დღესდღეობით ჰარი პოტერი ეგრედწოდებული „გლობალური ბრენდია“, შეფასებული 15 მილიარდ დოლარად. უკანასკნელმა ოთხმა წიგნმა თანმიმდევრულად დაამყარა რეკორდი, როგორც ყველაზე სწრაფად გაყიდვადი წიგნი მთელ ისტორიაში.
წიგნების სერიათა სრული 4,195 გვერდი ნათარგმნია მთლიანად ან ნახევრად 65 ენაზე.
როულინგზე ბიოგრაფიულ ფილმს გადაიღებენ. ფილმში ჯოან როულინგს ავსტრალიელი მსახიობი პოპი მონტგომერი განასახიერებს. ფილმს ”უცნაური მაგია” ერქმევა. ის სატელევიზიო, არაკომერციული ფილმი იქნება.
სურათს კანადაში გადაიღებენ. ფილმის შემქმნელების თქმით, მათ კანადაში აღმოაჩინეს შენობა, რომელიც ძალიან ჰგავს შოტლანდიის დედაქალაქ ედინბურგში არსებულ სახლს. ”ჰარი პოტერზე” მუშაობის დროს ამ სახლში ჯოან როულინგი დიდ დროს ატარებდა.
ჯოან როულინგი - Djoan Roulingi
⏱️ 1 წთ.
👁️ 3
100%