ნასიმი იმად-ედ-დინ

სულდგმავ,მხოლოდ სულმა უწყის

სულდგმავ, მხოლოდ სულმა უწყის ჩემი სიყვარული,
ჩემს გულისთქმას ამა სოფლად სატრფომ უძღვნა გული.

ვცან და ვიცან იგი კერპი მეცნიერთა თვალში,
თუმც მგონია, მის შესახებ ყურანს ესმის სრული.

ბეგობისთვის გამზადებულ ბრძენ აბდალას შეხე,
ამ სასულთნოს ყადრი მხოლოდ სულტანს ესმის გულით.

განა არის ის კი სუფი, ჩუმად რომ სვამს ღვინოს,
თანაც ისე, რომ ყველაფერს ხედავს ეშმა კრული.

მწდეო, მომეც დროის თასი ატრიალე მუდამ,
რადგან დროის ბრუნვა არის მასში ასახული.

მეძირება სულის ნავი სიყვარულის ზღვაში,
რომლის არსიც, რომლის სიღრმეც თვით მასშია თქმული.

ვერც ვერავინ ვერ ჩასწვდება ჩემს აზრს, სიტყვას რადგან,
ფრინველთ ენის ცოდნის ძალა სოლომონს აქვს სრული.