ბავარიული გენციანები
bavariuli gencianebi
სექტემბრის ნელთბილ,და სევდიან მიქაელობას
ყოველთვის როდი გვიმშვენებენ ბავარიული გენციანები,
ლუსკუმი ღამის ჩირაღდნებივით მაღალი და ბინდით მოცული,
პლუტონური შავი სხივებით ნათელი დღის დამბნელებელი
წიბოვანი გრძელი ალები,
ანთებული ჯანღიანი, ბნელი ლაჟვარდით
და თეთრი შუქის მძიმე სუნთქვით წამახულები.
ლურჯად მბოლავი ჩირაღდნები,
პლუტონის მრუმე ლამპიონები
მიწისქვეშეთის შედედებული მუქი ლურჯი ცეცხლის ენები,
ლურჯ შუქს რომ ჰფენენ დემეტრეს ყვითელ სამფლობელოებს.
ვისთვის მოსულხართ აქ,შეთეთრებულ დღის სამეფოში?
მიბოძეთ მე გენციანი,ეს მკრთალი ღერო სამი ყვავილით
და ამ სამღერა ლურჯი ცეცხლით ნაბიჯ-ნაბიჯ გზას გავიკვლევ
უშუქარი უფსკრულისაკენ,
იქ მხედველობა უძლურია და წყვდიადი ერწყმის წყვდიადს
და პერსეფონეც სწორედ ახლა,სექტემბერში მიემგზავრება
ამ კუნაპეტი მიმართულებით,
მისი სხეული მხოლოდ ექოა მარადიულ უკუნ ღამეში,
ჩახვეულია ძველ საქმროსთან პატარძალი კიდევ ერთხელ მოტაცებული.
განმსჭვალულია პლუტონის ვნებით,
დაძირულია ღამის წიაღში
და მრუმე ლურჯი ლამპიონები წყვდიადს ჰფენენ საქორწინო სარეცელს.
მიბოძეთ მე ეს ყვავილი, ეს სამი ბნელი ლამპიონი,
რადგან ქორწილში მპატიჟებენ, სტუმრად მიხმობენ,
მივემგზავრები სულდგმულ ღამეში.
bavariuli gencianebi
სექტემბრის ნელთბილ,და სევდიან მიქაელობას
ყოველთვის როდი გვიმშვენებენ ბავარიული გენციანები,
ლუსკუმი ღამის ჩირაღდნებივით მაღალი და ბინდით მოცული,
პლუტონური შავი სხივებით ნათელი დღის დამბნელებელი
წიბოვანი გრძელი ალები,
ანთებული ჯანღიანი, ბნელი ლაჟვარდით
და თეთრი შუქის მძიმე სუნთქვით წამახულები.
ლურჯად მბოლავი ჩირაღდნები,
პლუტონის მრუმე ლამპიონები
მიწისქვეშეთის შედედებული მუქი ლურჯი ცეცხლის ენები,
ლურჯ შუქს რომ ჰფენენ დემეტრეს ყვითელ სამფლობელოებს.
ვისთვის მოსულხართ აქ,შეთეთრებულ დღის სამეფოში?
მიბოძეთ მე გენციანი,ეს მკრთალი ღერო სამი ყვავილით
და ამ სამღერა ლურჯი ცეცხლით ნაბიჯ-ნაბიჯ გზას გავიკვლევ
უშუქარი უფსკრულისაკენ,
იქ მხედველობა უძლურია და წყვდიადი ერწყმის წყვდიადს
და პერსეფონეც სწორედ ახლა,სექტემბერში მიემგზავრება
ამ კუნაპეტი მიმართულებით,
მისი სხეული მხოლოდ ექოა მარადიულ უკუნ ღამეში,
ჩახვეულია ძველ საქმროსთან პატარძალი კიდევ ერთხელ მოტაცებული.
განმსჭვალულია პლუტონის ვნებით,
დაძირულია ღამის წიაღში
და მრუმე ლურჯი ლამპიონები წყვდიადს ჰფენენ საქორწინო სარეცელს.
მიბოძეთ მე ეს ყვავილი, ეს სამი ბნელი ლამპიონი,
რადგან ქორწილში მპატიჟებენ, სტუმრად მიხმობენ,
მივემგზავრები სულდგმულ ღამეში.