წიკლაური მამუკა - დროს დაედევნა დეიდა ელენე

დროს დაედევნა დეიდა ელენე
dros daedevna deida elene
გარდაიცვალა დეიდა ელენე -
თითქოს სიკვდილმა გამოაღვიძა,
დაფეთებული გამოვარდა ძილ-ღვიძილიდან.
წასულიყო სიყმაწვილე -
დედის კალთაში ჩამთბარი ელი-ელენე,
წასულიყვნენ სიმღერები და თამაშობები -
პატარა ელი რომ მღეროდა და თამაშობდა;
წასულიყო პატარძალი ელენე -
სილამაზით და სიყვარულით განათებული;
წასულიყო ქმარიც, მჭედელი თედო -
სულ რკინის სუნი რომ ასდიოდა,
თავის ბუდეს რომ არწივივით დასტრიალებდა;
დაცლილიყო "ელენეს ქალაქი", -
აღარც მერცხლები იყვნენ,
თბილ ქვეყნებისკენ გაფრენილიყვნენ.
...მოკვდა კი არა, გამოიღვიძა -
თითქოს სიკვდილმა გამოაფხიზლა,
დაფეთებული გამოვარდა ძილ-ღვიძილიდან
და უკვე წასულ დროს დაედევნა -
თავისებური, საქმიანი წაცუხცუხებით.