ბევრია ქვეყნად სალაღობო და სატკივარი,
დედამიწაზე რა გამოლევს ღელვის მიზეზებს.
ტარიელივით ველად გაჭრილს მეხლება ქარი,
გულიდან მაგლეჯს ალმოდებულ ტრფობის სიმღერებს.
დაჭრილი ირმის სისხლის ცრემლი აწვიმს ბალახებს,
მიიპარება კაბადონზე მზე დაქანცული,
ფიქრში მიღიმის დიონისეს მწყურვალე მზერა,
მაგრამ ჩემს გულში ვერ იპოვნა მან სიხარული.
ჰამლეტის ქნარის სევდიან ფონზე
ტალღა მიარხევს ოფელიას ძვირფას ნაწნავებს,
ფაუსტი მღერის მწუხარი და სასომიხდილი,
ნეტავ, ვიცოდე, რად აოცებთ იგი სატანებს.
ვტირი და ვმღერი, მზე და მიწა მიჩქარებს ნაბიჯს,
სათქმელი ჩემი რომ დავასწრო შემოღამებას,
პრომეთეს ტანჯვას თუ უწოდეს ბედის გვირგვინი
ჟამთა დინება რას შეარქმევს ამ ჩემს წამებას?
დედამიწაზე რა გამოლევს ღელვის მიზეზებს.
ტარიელივით ველად გაჭრილს მეხლება ქარი,
გულიდან მაგლეჯს ალმოდებულ ტრფობის სიმღერებს.
დაჭრილი ირმის სისხლის ცრემლი აწვიმს ბალახებს,
მიიპარება კაბადონზე მზე დაქანცული,
ფიქრში მიღიმის დიონისეს მწყურვალე მზერა,
მაგრამ ჩემს გულში ვერ იპოვნა მან სიხარული.
ჰამლეტის ქნარის სევდიან ფონზე
ტალღა მიარხევს ოფელიას ძვირფას ნაწნავებს,
ფაუსტი მღერის მწუხარი და სასომიხდილი,
ნეტავ, ვიცოდე, რად აოცებთ იგი სატანებს.
ვტირი და ვმღერი, მზე და მიწა მიჩქარებს ნაბიჯს,
სათქმელი ჩემი რომ დავასწრო შემოღამებას,
პრომეთეს ტანჯვას თუ უწოდეს ბედის გვირგვინი
ჟამთა დინება რას შეარქმევს ამ ჩემს წამებას?