ახლა მარტო ვართ დარჩენილი მე და მუზები,
და მინდა ლექსით გავაშავო ფურცელი თეთრი,
ერთი კი არი, გულში სევდა შემომრევია
იქნებ გამიგოთ თუ ვინმემ იცით დღეს ჩემი ხვედრი,
ხო და ამ ღამით ვიპაექრებთ მე და მუზები
რომ მარტოობის აღარვიგრძნო სიმწარე ძნელი,
ვიცი ეს ღამეც გათენდება როგორც ის ღამე
და ამ იმედით ცის კამარაზე ალიონს ველი.
ალბათ განგებამ შეგვახვედრა მე და მუზები...
მარტო მან იცის რაც ყველასგან დაფარულია,
ვარ ქვეყანაზე დარჩენილი ყველაზე მარტო
არავინ იცის გული ჩემი დაკაწრულია.
განთიადმა კი დაგვაშორა მე და მუზები
და არც ამ დილით დაარღვია მზემ თავის წესი,
ჩემმა სტუმრებმა უკითხავად ინებეს წასვლა,
მე კი საჩუქრად დამიტოვეს პატარა ლექსი.2000.წ