მუზები სახლში დამიდიან

მუზები სახლში დამიდიან,
მათ ყოველ ღამით ვეხვევი.
ისეთი ცუდი ამინდია,
წელში ვერ სწორდება ვერხვები.
მუზები სახლში დამიდიან,
ხან ჩაიზე, ხან ყავაზე.
შენი ვერაფერი გამიგია,
კუდი გაგიდია ყავარზე.
ლექსის მეზღვავება სტრიქონები,
კალამს დავუღალე ლურჯი წვერო.
უწინ, გულში მაინც გიგონებდი,
ახლა, აღარ მინდა შენზე ვწერო.
ფიქრებს ცხრა მთას იქით გავექეცი,
იმედს სულზე მივუსწარი, ყულუფთან.
ახლა ბედნიერად მეცინება,
შენზე გამოგონებების ყუთთან.
მუზები სახლში დამიდიან,
წელში ვერ სწორდება ვერხვები,
შენი ვერაფერი გამიგია,
მუზებს ვნებიანად ვეხვევი.