მინდოდა, კიდევ მყოლოდა გოგო,
ცისფერთვალება... პეპლებით სულში.
მამის თვალები ჰქონოდა ოღონდ,
დედის - გული და ფიქრები ურჩი.
ჩამოიშლიდა კულულებს, თამამს,
ენიდან - ცელქ და ჭიკჭიკა მერცხლებს,
ეყოლებოდა საფიცრად მამა,
ენახა თუნდაც ათასში ერთხელ.
მსურდა, ჰყოლოდა გოგონას მხოლოდ
მამა, რომელიც არაფერს უშლის...
გაიზრდებოდა პატარა გოგო,
ცისფერთვალება... პეპლებით სულში.
/ნინო ალადაშვილი/
3 ნოემბერი, 2014 წ.
პატარა გოგო - ნინო ალადაშვილი
⏱️ 1 წთ.
👁️ 5
100%