თუ გულში გყავარ ვით საფიცარი,
და მიფრთხილდები ვით სასოებას,
თუკი ვარ შენი გულის ფიცარი,
ცოდვების თქეშში უმანკოება...
გაუგებრობის ხარ მონაწილე,
დამნაშავე ხარ ოღონდ ფარული,
ბოლო წვეთამდე ვერ შემომწირე
გრძნობა გულიდან გამოპარული...
სიზმარში გნახე როგორ მეძებდი,
ვიგრძენ სიყვარულს გული უთრთოდა,
ჩემს გულში კუთხეს რატომ ეძებდი???
როცა მთლიანად შენ გეკუთვნოდა...
ნეტავ იცოდე, რით გავუძელი
დაობლებული თვალების სევდას,
გული ტიალი, გული უცვლელი,
შენს გვერდით ყოფნას სიზმრებში ბედავს...
დღეს ჩვენი გზები ცალკ-ცალკე მიდის,
ამისთვის პასუხს ვერავინ აგებს,
სიმორცხვის ფერი დამყვება მიწის,
ქარი ამბორს სთხოვს ჩემს გამშრალ ბაგეს...
წაბლისფერთვალავ გზებს დაგილოცავ,
ამ აღსარებას ცრემლებს ვაბარებ,
წვიმის წვეთები რაც შეგეხება
მე თითოეულს კოცნას ვაბარებ...
"დელფინა"
×