....დილით, მზე რომ სარკმლიდან საწოლზე შემოგისკუპდება და ცეცხლისცრად ააბრიალებს, თვალებში რომ შეგიძვრება და სასიამოვნო განწყობაზე გამოგაღვიძებს... აი ეს მინდა!
გახსნილი სარკმლიდან უხვად რომ იფრქვევა გაზაფხულის სურნელი და ჩიტების ჭიკჭიკი ყურთასმენას ახშობს ... აი ეს მინდა!
უსაშველო ხმაური ქუჩიდან და ქართული შეძახილები... მტვრის, კვამლის და ტრანსპორტიდან გამონაბოლქვის ერთმანეთში არეული სუნი...
აი ესეც მინდა!!!
ქუჩაში ნაცნობი სახეები და გულიანი მოკითხვა, მოფერება და სითბო...
აი ეს მინდა!
ძველ თონესთან ჩავლისას დედას პურის მადისაღმძვრელი სურნელი მინდა!
მოწმენდილი და ნათელი ცა მინდა, სუფთა და ქართული!
დედის ხელების შეხება და მკერდზე თავის დადება მინდა!
მეგობრის გულიანი მოკითხვა და ჩახუტება...აი ეს მინდა!
საიმედო მხარზე თავის მიყრდნობა მინდა და სუნთქვის შეკავება... სადამდეც გავძლებ...
და მერე ჯანდაბას, იყოს სიკვდილი... რაც გინდა იყოს...!
დილით, მზე რომ სარკმლიდან საწოლზე შემოგისკუპდება ...
⏱️ 1 წთ.
👁️ 6
100%