გვარის ფუძეა მამაკაცის საკუთარი სახელი იაკობ. ამ სახელზე გამოჩენილი ქართველი გვაროლოგი ზურაბ ჭუმბურიძე წერს: „იაკობ ძველებრაული სახელია და ნიშნავს „მიმყოლს“, „მიმდევარს“. თავდაპირველად ნიშნავდა ტყუპთაგან მეორედ დაბადებულს, შემდეგ კი მიეცა მნიშვნელობა ღვთის მიმყოლის, ანუ რაც ნიშნავს ღვთის კვალზე გავლას. მისი შემოკლებული ფორმაა ია, იაკო, ზოგჯერ – იაგო, იაშა, კობა“.
ამ სახელისგან მიღებულია გვარები: აკობია, აკობაძე, აკობიძე, იაკობაშვილი, იაკობიშვილი, იაკობიძე.
იაკობაშვილები ძირითადად ქართველები არიან, ცხოვრობენ იმერეთში და სხვაგანაც. მცირე ნაწილი ებრაელია.
საქართველოში 1 498 იაკობაშვილი ცხოვრობს: საჩხერეში – 476, თბილისში – 394, დედოფლისწყაროში – 109. არიან სხვაგანაც.
×