შემწვარი ხბოს ხორცი

საჭირო ინგრედიენტები:

1 კგ ხბოს ხორცი,
1კგ კარტოფილი,
ოხრახუში, მარილი - გემოვნებით.

მომზადების წესი:

ხბოს ბარკლის ნაჭერი გავასუფთავოთ, გავრეცხოთ, მოვაყაროთ მარილი, დავდოთ ტაფაზე, შევდგათ გრილ ქურაში, ნელ-ნელა მოვუმატოთ ცეცხლი და შევწვათ მზადყოფნამდე 1,5-2 საათის განმავლობაში.
შეწვის პროცესში ხორცს მოვასხათ შეწვის დროს წარმოშობილი წვენი.
შემწვარი ხორცი დავჭრათ მოგრძო ნაჭრებად, გადავიტანოთ სინზე, მოვრთოთ ოხრახუშით.
კარტოფილი შეიძლება შევწვათ ხორცთან ერთად (იხ. წინა რეცეპტი), ან ცალკე და შემოვულაგოთ ხორცს სინზე.