ცხვრის ხორცი მწვანე ლობიოში

საჭირო ინგრედიენტები:

1.5 კგ. - ცხვრის ხორცი
300 გ. - ცხვრის დუმა
2 კგ. - მწვანე ლობიო
300 გ. - ხახვი
მოზრდილი კონა მწვანილი - ქინძი, რეჰანი, პიტნა
შავი პილპილი, მარილი გემოვნებით.

მომზადების წესი:

დუმა დავჭრათ პატარა ნაჭერებად, ხორციც დავჭრათ დაახლოებით 3 სმ-იან ნაჭრებად, დავაყაროთ მარილი და პილპილი, მოვაყენოთ წყალი და ვშუშოთ. როცა ცხიმი მოადგება, დავუმატოთ ხახვი და გავაგრძელოთ ხრაკვა.
მწვანე ლობიო მოვხარშოთ და გადმოვწუროთ. ავურიოთ ხორცს, დავაყაროთ მწვანილი და ცოტა ხანს ვშუშოთ.
თუ ცხიმი დააკლდა, კარაქი დავუმატოთ.