კენკრის დესერტი

მაცივრიდან გამოღების შემდეგ დესერტი ფრთხილად გადმოიღეთ თეფშზე, მოასხით ზემოდან ცოტა კენკრის წვენი და გააფორმეთ ცოცხალი კენკრით.

საჭირო მასალა:

600 გრამი კენკრა
3 ს.კ. შაქარი
1 ბისკვიტის რულეტი (შეგიძლიათ გამოიყენოთ შოკოლადის)
200 გრ ასათქვეფი ნაღები (შეგიძლიათ შეცვალოთ ნაყინით)

კენკრა მოათავსეთ ბლენდერში და კარგად ათქვიფეთ. დაუმატეთ შაქარი და გადაიტანეთ წვრილ საწურში. კოვზის დახმარებით გაატარეთ კენკრა საწურში ისე, რომ მიიღოთ რაც შეიძლება მეტი წვენი.

ბისკვიტის რულეტი დაჭერით თხელ, 0,5 სმ სისქის ზოლებად.

ფიალებში ან სანაყინეებში ჩააფინეთ თხელი (სპეციალურად საკვებისთვის გათვალისწინებული) ცელოფანი, ბისკვიტის რულეტის ნაჭრები დაასველეთ კენკრის წვენში და მჭიდროდ დაფარეთ ფორმების ძირი.

ათქვიფეთ ნაღები. ფორმაში ჩაფენილ ბისკვიტზე დააწყვეთ 1 კოვზი გაწურული კენკრა, ზემოდან დაადეთ 2 კოვზი ათქვეფილი ნაღები და ისევ 1 კოვზი კენკრა. დააფარეთ კენკრის წვენში დასველებული რულეტის ნაჭრები და მჭიდროდ შეკარით ცელოფნის ბოლოები, რომ დესერტი მთლიანად დაიფაროს. შედგით მაცივარში 1 საათით.

მაცივრიდან გამოღების შემდეგ დესერტი ფრთხილად გადმოიღეთ თეფშზე, მოასხით ზემოდან ცოტა კენკრის წვენი და გააფორმეთ ცოცხალი კენკრით.