"სემიფრედო" ატმითა და ჟოლოთი

სუფრასთან მიტანის წინ ფორმა მოათავსეთ ცხელ წყალში, შემდეგ გადმოაბრუნეთ სასურველ ჭურჭელზე. მასა თავისუფლად გადმოვა ჭურჭლიდან.

შემადგენლობა:

6 ცალი ატამი
1 ს/კ ლიმონის წვენი
1/2 ჩაის ჭიქა შაქარი
4 კვერცხის გული
250 გრ ნაღები
200 გრ ჟოლო

მომზადების წესი: გასუფთავებული ატამი დაჭერით საშუალო ზომის ნაჭრებად, შეურიეთ ლიმონის წვენი და დააბლენდერეთ.

კვერცხის გულები შაქართან ერთად მიქსერით მანამ თქვიფეთ დაბალ ცეცხლზე, სანამ არ გასქელდება და ღია ყვითელ ფერს არ მიიღებს. შემდეგ გადმოიღეთ ცეცხლიდან, დაუმატეთ ატმის ხილფაფა და კარგად აურიეთ. კარგად გათქვიფეთ ნაღები და მომზადებულ მასას ფრთხილად შეურიეთ. შემდეგ დაუმატეთ ჟოლო და ასევე ფრთხილად გადაურიეთ. მიღებული მასა ჩაასხით ფორმაში, დაახურეთ ისე, რომ მთლიანად დაიფაროს ფორმა და შედგით საყინულეში. რაც უფრო კარგად გაყინავთ, მით უკეთესი იქნება. სუფრასთან მიტანის წინ ფორმა მოათავსეთ ცხელ წყალში, შემდეგ გადმოაბრუნეთ სასურველ ჭურჭელზე. მასა თავისუფლად გადმოვა ჭურჭლიდან.