სამარხვო ტოლმა სოკოთი

ეს მარტივად მოსამზადებელი და ძალიან გემრიელი ტოლმა განსაკუთრებით მათ მოეწონებათ, ვინც მარხვაზეა.

თქვენ დაგჭირდებათ:

კომბოსტოს 12 ფურცელი
400 გრ კარტოფილი
300 გრ სოკო
1 თავი ხახვი
1 ცალი სტაფილო
200 გრ ტომატის პასტა
1 ცალი დაფნის ფოთოლი
კამა
მარილი, პილპილი გემოვნებით
ზეთი შესაწვავად

მომზადების წესი:

კარტოფილი მოხარშეთ მარილიან წყალში. როცა კარგად მოიხარშება, გადაუწურეთ წყალი და ჩაზილეთ ისე, რომ პიურე მიიღოთ. სტაფილო გახეხეთ, დაჭერით ხახვი და სოკო. ყველაფერი ერთად მოათავსეთ ტაფაში და მოშუშეთ ზეთში. სოკოიანი მასა დაუმატეთ კარტოფილის პიურეს და კარგად აურიეთ, დაუმატეთ მარილი და პილპილი გემოვნებით.

კომბოსტოს მოაცალეთ ფურცლები და მოთუთქეთ ადუღებულ წყალში. შემდეგ გაახვიეთ ბოსტნეულის მომზადებული ფარში კომბოსტოს ფურცლებში.

ტაფაზე დაასხით ზეთი და ტოლმები ორივე მხრიდან შეწვით.

შემდეგ გადააწყვეთ ქვაბში. წყალში, სადაც კომბოსტოს ფურცლები მოთუთქეთ, დაუმატეთ ტომატის პასტა, მარილი, პილპილი და დაასხით ტოლმას ისე, რომ ოდნავ დაფაროს. მოაყარეთ მწვანილი.

ხარშეთ დაბალ ცეცხლზე 20-25 წუთის განმავლობაში.