ბატკნის ჩახოხბილი

საჭირო ინგრედიენტები:

500 გრ ბატკნის ხორცი,
4 თავი ხახვი,
500 გრ კარტოფილი,
500 გრ პომიდორი,
2 კბილი ნიორი, წიწაკა, ქინძი და მარილი - გემოვნებით.

მომზადების წესი:

ბატკნის ხორცი გავასუფთავოთ, გავრეცხოთ, დავჭრათ პატარა ნაჭრებად, ჩავდოთ ქვაბში, დავამატოთ წვრილად დაჭრილი ხახვი, მოვშუშოთ, შუშვის დროს დავამატოთ პატარა ნაჭრებად დაჭრილი კარტოფილი.
პომიდორი გავფცქვნათ, დავჭრათ, ჩავდოთ ქვაბში და გავაგრძელოთ ხარშვა. წამოდუღებიდან 20 წუთის შემდეგ დავამატოთ დანაყილი ნიორი, წიწაკა, წვრილად დაჭრილი ქინძი, მოვაყაროთ მარილი. 5-10 წუთი დუღილის შემდეგ გადმოვდგათ ცეცხლიდან.