მომენატრე

მომენატრე!
თითქოს ეხლა ვერ გხედავდე,
არ მესმოდეს თითქოს როგორ სუნთქავ მშვიდად?!
ხომ ჩემთან ხარ? აქვე ჩემთან სიხარულო?!
მე კი მაინც გამუდმებით შენთან მინდა!
მომეფერე!
ისე ვამბობ, თითქოს ეხლა შენი ხელი არ მითბობდეს
შიშველ მკლავებს,
მარტო არ ვარ, გძინავს გვერდით, მაინც ვდარდობ
რა ოხრობა გაათენებს ასე ღამეს?
გაიღვიძე!
თუმცა ვიცი დაიღალე, თუმცა მიყვარს სიგიჟემდე
როცა გძინავს...
ჰო, თბილა აქ...სიჩუმე დგას...მარტო არ ვარ!
მაინც მაკრთობს სიბნელე და სულს მიყინავს!
გიჩურჩულო?
ყველაფერი რაც დავთმე და, რაც შევძელი დასათმობად,
ამად ღირდა!
ეხლა მივხვდი, რომ დროს ვკარგავ ამ წუწუნში
მიიწიე სიხარულო,
შენთან მინდა!