გამოსავალი

gamosavali me ukve vicnob adamianebs guli siyvaruli monatreba
მე უკვე ვიცნობ ადამიანებს.
მათ ნიღბის მიღმა რა იმალება.
მუდამ მაშფოთებს და გულზე მაწევს
შიშით მოცული ღრმა მდუმარება.

ვიცი, რომ გამთქვამ ადრე თუ გვიან.
როგორ უმწეოდ გითრთის სხეული.
შენ ხომ უბრალოდ მოყვასი გქვია,
ვის შეუპყრიხარ გადარეული?

მოდი, მომენდე, ნუ თრთიხარ შიშით.
შენს თვალებს სადღაც სიწმინდე აწევს,
მაგრამ სხეული შენ არ გეკუთვნის ,
მირონისფერიც აღარ აქვს ღაწვებს.

ნუთუ ეს სული შენი სულია?
გაშმაგებით რომ სამყოფელს ეძებს,
მას მფარველობა უფლის სწყურია
და განდეგილი უშენოდ ვერ ძლებს.

შენს მოღალატე სხეულში სული
ვერ დაიმკვიდრებს ვერასდროს ადგილს.
ყველაზე რთული გამოსავლისგან
რატომღაც ირჩევ ყველაზე ადვილს.

თვითმკვლელობაზე ფიქრი სენია.
შენ აღარ გავხარ, რაც იყავ უწინ.
უკვე ვეღარ გგრძნობ, ვერ გხედავ, რადგან
დაასამარე სხეული გუშინ...

და მე თუ მკითხავ გამოსავალი
ათასებიდან ერთია მხოლოდ,
რომ სასოებით ბოროტულ ზრახვებს
უფლის წყალობით მოუღო ბოლო.