მოგიტაცებენ და გაგხვევენ ცხელ საბურველში

მოგიტაცებენ და გაგხვევენ ცხელ საბურველში
სილამაზისთვის თვით სიკვდილსაც არად აგდებენ
გადაგაგდებენ უნეტარეს სიმხურვალეში
ოცნების ტახტზე ლერწამივით გადაგაწვენენ
თავდავიწყებას მიეცემა ვნების თარეში
უსასრულობას გაიფრქვევა ფიქრები შენი
სიამის სხივი ჩაგიდგება ლამაზ თვალებში
ბროლის კისერზე მოგეხვევა ხელები გველი
მოგიტაცებენ მაგ თვალთა ეშხს ვინ გაექცევა
ღმერთის წყალობით თუკი ერთხელ მზერა ეფეთქა
ავადმყოფსაც კი ტკივილები შვებად ექცევა
თვით მცხეთის მეფეც დაიჩოქებს ირმის ფეხებთან
მხურვალე ტუჩებს დაადნება ფიფქივით კოცნა
წაეკიდება ვენერას ტანს ვნების კოცონი
შენს მოტრფიალეს ძალა უნდა რომ შეძლოს მოცდა
არ მოგიტაცოს და არ გახდეს შენი პატრონი
გადარეული მაგ შვენებით მთვრალი დაგდევენ
მოგიტაცებენ ლამაზმანო მოგიტაცებენ