ყველა წავიდეს, მხოლოდ შენ დარჩი

ყველა წავიდეს,მხოლოდ შენ დარჩი,

დარჩი,როგორც სიზმრად რჩებიან,

და ეს ვედრებაც ჩემთა ბაგეთა,

სწორედ ამ სიზმრის თეთრი ფრთებია...

ყველა წავიდეს,შენ შეიცადე,

მასწავლე,როგორ გავხდე მზეწვია,

მიამბე,როგორ აწამეს ქარი

ან მზე ჰორიზონტს როგორ ეწვია...

ყველა წავიდეს,გაუღე კარი,

დაემორჩილე ჩემს აზრს რეტიანს,

და ანაცვალე შენი სიდინჯე

ჩემს ბილიკებზე გიჟურ ხეტიალს...

წავიდეს ყველა,მე შენ მჭირდები,

მე აუხსნელი ვნებით ფეთიანს,

იმას,რომელმაც ილოცა შენთვის,

ვისთვის უშენოდ ღამე თეთრია.

ყველა წავიდეს,მხოლოდ შენ დარჩი,

მზე რომ მზე არის,მზეც ზედმეტია,

და მზეც წავიდეს,შენ დარჩი მხოლოდ,

ამდენი სხივი მეტისმეტია..