ახლა რაღა დროს შეცვლაა ჩემი

ახლა რაღა დროს შეცვლაა ჩემი,
რა ძალამ უნდა შემცვალოს ახლა,-
ეს კია,ვიცი მოყვარე-მტერი,-
ცხოვრების ცოდნა იმგვარი მახლავს.
და თუკი მაინც ვტყუვდები ხშირად,
ძალიან ხშირად ვტყუვდები თუკი,-
ეს ყველაფერი არ მიჩანს ჩირად
და შეცდომებიც ნურავის უკვირს.
მე ვიცი,ვდგავარ უფსკრულის პირას,-
ფართოდ,რომ ვაღებ ყველასთვის კარებს,
და მოვტყუვდები კიდევაც ხშირად
და ადრინდელზე უფრორე მწარედ:
არა იმიტომ,ჭკუა მყავს მტერად,
გონების თვალი მიბჟუტავს ანდა,-
მხოლოდ იმიტომ.რომ მიტევების
და თმენის ნიჭი მებიძა ჭარბად,
მხოლოდ იმიტომ,-ადამიანში
მაინცდამაინც სიკეთეს ვეძებ…
და ჩემი შეცვლა არის გვიანი,-
მინდოდეს კიდეც,ვერაფრით შევძლებ!

ბელა შალვაშვილი