წახვედი და მზემ დაიწყო დაბნელება

წახვედი და მზემ დაიწყო დაბნელება
დედამიწამ მოიჩრდილა ღრუბლები
გაგაცილეს მოფარფატე ფანტელებმა
ულამაზეს პეიზაჟთა ჩუქებით
ეს ცხოვრება არ მყოფნის რომ დავიცალო
ვეღარ ვგუობ გაშიშვლებულ სურვილებს
სიყვარულით სული უნდა დავიდაღო
სცენა მინდა ვეღარ ვიტან კულისებს...
დაგეშილი სიმარტოვე კვალში მიდგას
ალბათ დროა გადარჩენის ვილოცო
დედამიწა მოვხსენი და ღერძი მიმაქვს
როგორც ჩვენი სიყვარულის სიმბოლო...
ატკეცილი ზეცა მთვარეს ვერ დაიჭერს
შენს სარკმელთან გაათენებს უთუოდ
ჰო,ჩემსავით მაცოდინა ვინ დაიტევს
(საკუთარ გულს შორიდან რომ უყუროს)
წახვედი და ნუ გგონია დამივიწყებ
მეხომ ყველგან ლანდად აგედევნები
მთელ სამყაროს დუელშიაც გამოვიწვევ
მე ადვილად მართლა არ ვიხედნები...
ცისარტყელის გაელვებას მოგხვევ ყელზე
თავის დახსნას იცოდე ნუ ეცდები
თუ დამტოვებ შევაყენებ მუზას ფეხზე
თავს მოვიკლავ საკუთარი ლექსებით..
წახვედი და მზემ დაიწყო დაბნელება.
დედამიწამ მოიჩრდილა ღრუბლები
გაგაცილეს მოფარფატე ფანტელებმა
ულამაზეს პეიზაჟთა ჩუქებით.

ბადიშ ხურსილი