განა ვინცა წერს სუყველას თავი პოეტი გონია

განა ვინცა წერს სუყველას
თავი პოეტი გონია?
მკაცრად ნუ განსჯით ჩემს ნაწერს,
ეს მხოლოდ ჩემი ჰობია.

ხან მე თვითონაც ღიმილს მგვრის,
ჩემი ნაწერის სისუსტე,
თანდათან ვატყობ ლექსები,
ჰობზე მეტია, მსჯის უკვე.

ცხოვრება რას არ გვასწავლის
როცა ბევრს ფიქრობ ძალიან,
ლექსების აკვიატება,
ჩემი განცდების ბრალია.

გული სავსეა რითმებით,
ლექსებზე ტრფობით შეშლილი,
ვაჟას, ილიას, აკაკის,
გალაქტიონის, შექსპირის....

ო, ღმერთო ჩემო, ჩამოთვლა,
ვის შეუძლია ყველასი...
თქვენ მომიტევეთ, მკითხველო,
ვინც გამომრჩა და ვერა ვთქვი.