ეს არც სიყვარულია და
არც სამოთხის კარია,
გათელილი გრძნობები
სადღაც მიისწრაფიან.
მეც გავრბივარ ქუჩაში,
წვიმაა თუ ქარია,
სად სხივების ვარაყი
მზეს პეპლებად ასხია.
სად თაფლისფერ თვალებით
ერთადერთს ეძახიან,
ჯერაც დაუკრეფავი
შენ ჩემი ვენახი ხარ.
ეს არც სიყვარულია და
არც სამოთხის კარია,
გაღეღილი გრძნობები
ჩემსკენ მოისწრაფიან.
ნანა სელეპანოვა - ეს არც სიყვარულია და..
⏱️ 1 წთ.
👁️ 4
100%