ჩემკენ მოჰქრიან ღრუბლები,
სახლ-კარსა თბილისისაო,
მომიხტნენ, გადამიშავეს
ხე ბაღში ალუბლისაო.
წვიმას ეძნელა წამოსვლა,
ქარი დაატყდა ხილსაო,
ვაშლები თურაშაულის
ჩამომიყარა ძირსაო.
შენთვინ ტყემალი ვაგროვე,
სქელძირა კალათითაო,
ჩემთვინაც დაისხმებიან
ატმები შორაპნისაო.
გამდევნე და მიმატოვე,
წახველ შენ შარაგზითაო,
დამდაღე, გადმომაყარე
დარდები გულისპირსაო.
არა გსურს,არ დაინახავ,
შენ ჩემსა გასაჭირსაო,
მოგძულდი, გადამიყვარე,
ჩამომაშორე ლხინსაო.
თავს არ მოიკლავს ქალაი,
ამად არც არვინ ღირსაო,
მოხვალ და დამიბრუნდები,
ისევ ცრემლების ყრითაო.
ნანა სელეპანოვა - თავს არ მოიკლავს ქალაი
⏱️ 1 წთ.
👁️ 4
100%