ცისარტყელას გავდა
(cisartyelas gavda)
ერთფეროვანს - შვიდფერში..
ფერად კონოფილმად გადიოდა ჩემს არცთუისე ფართო შუბლზე
შუბლი გავდა ალაგ-ალაგ დახეულ
სოფლის კლუბის ეკრანად გამოყენებყლ
სოფლის ერთადერთ მაღაზიაში ნაყიდ ზეწარს...
ზეწარი იყო თეთრი და
შუბლიც იყო თეთრი
შუბლიც იყო თეთრი და ალაგ-ალაგ დაჭმუჭნული..
ჭმუჭნიდა აზრებს
არქმებდა ნაწერს
და უგზავნიდა...
აცოცხლებდა გადაგლესილ ტვინში ტყუპ-ტყუპად ჩაწერილ აზრებს და
ცისარტყელას მეწამულფრად უბრუნებდა...
მერე იყო ან კი
ან არა
ან სულ
და მერე რაც იყო გაჩერება ქვია.
დიდი ქუჩა აღარ იყო პატარა
ეძებდა და იპოვა
იპოვა და ჩაიხუტა...
სოფლის კლუბში შავ-თეთრ ფილმებს აჩვენებენ
ცისარტყელა ფერად კონოფილმად ისევ გადის ჩემს არცთუისე ფართო შუბლზე
ადვილადშეჩვეულ, ადრეგაუსაძლისტკივილებს მომავალშეხვედრამდე მიყუჩებს...
არა, უნდა დარეკოს
არცთუისეფართოშუბლზე ამოსულ ოფლის გულისამრევ წვეთებს წყლადქცეული ცხვირსახოცით მოვეფერე
ფერადი კინოფილმი აღარ გადის ჩემს დაჭმუჭნულ არაფრისმთქმელ სივრცეზე, საიდანაც ტრეპანაცია იწყება და ცხვირის ძგიდესთან უკვალოდ ქრებოდა, სამი-ოთხი თვის გაუკრიჭავი თმებით...
დავივიწყებდი:
ეტიკეტს
წლებს
სტატუს
დროს
დავივიწყებდი დროს, რომელიც იქცა დროდ არავირტუალური სოფლის ახლადდაგებულ ასფალტზე.
ფერად, ფართოეკრანზეახლახანგამოსულ, მძაფრსიუჟეტიან ფილმსაც ვნახავდი დიდ ქალაქურ ეკრანზე და დაორთქლილ, ოფლიანშუბლს მივუშვერდი გერმანული პატენტით თურქეთში დამზადებულ კონდიციონერს...
უმარტივესი სურვილები უფრო ხშირად აუსრულებელია და გართულებულის ახდენასაც ვახერხებ...
შენი ნებითა და სურვილით...
კახაძე ემხვარ - Kakhadze Emzar
⏱️ 1 წთ.
👁️ 1
100%