ჩიკორი
(chikori)
თავისთვის წყნარად იდო ჭრელი ჩიკორი. ვიღაცამ შემთხვევით მთელი ძალით დააბზრიალა. დაიწყო სიზმრების ცვენა, მოუხელთებელი სახეების უსწრაფესი ცვალება, ცოცხალი მირაჟები, ჩურჩული მუსიკის თანხლებით, ნაწყვეტ-ნაწყვეტი ლეგენდები სიცოცხლეზე, მხოლოდ ჩიკორმა იცოდა, რა ხდებოდა მის თავს, არვის შეეძლო მისი თავდავიწყების მაჩვენებლების ფიქსაცია, რადგან ბზრიალებდა თავბრუდასხმული... მერე როგორც ყოველთვის, სიცოცხლესთან ისევ სიკვდილი მოვიდა რეზონანსში და ბზრიალი ტრიალმა შეცვალა, წაიქცა ჩიკორი და შენელდა მისი გულისცემა, ბოლოს შეწყდა... იმ "ვიღაცის" გრძნეულ ხელს მოციმციმე წვეთებად გამოედევნა ბედნიერება და კი არ აორთქლდა, გაიყინა სამუდამოდ, რომელსაც ყოველჟამს ძალუძს გაცოცხლება...
გაბროშვილი თამარ - Gabroshvili Tamar
⏱️ 1 წთ.
👁️ 2
100%