სიკვდილი
(sikvdili)
მესმის დამსხვრეულ წამთა ჟღარუნი,
წარსულს დაცინვა შეეძლოს თითქოს.
მაძრწუნებელი შიშის ხმაური,
მოაქვს სახეზე წამომსხარ ცივ ოფლს.
მოერეკება სიცოცხლე სიკვდილს;
ხვალ, განთიადზე ვხვდები საუფლოს.
მიწად მიქცევა ლოდივით მიმძიმს,
სამყარომ ჩემი სულიც აკურთხოს.
ღაწვზე ტყვიებად ჩამოდაღულან
წლები აწმყომდე პეშვით ნაზიდი.
წუთებს აფრენილს ფრთები დაუცვდა,
მერმისს ჩაბარდა დღენი განვლილი.
მდგმური ვარ ახლა საკუთარ სახლში,
სამყარო ჩემი ფარდით დავრჩდილე.
ბედო, სხვის ომში რატომ გამიშვი..?
გზა მომეც ღობის იქით განვიდე...
გარდასულ ლანდებს – ლოცვებად ჩაკრულს,
სამსჭვალზე გაცმულ ფიქრიან თვალებს,
ფერგამკრთალ მყობადს და მტვრიან წარსულს,
ვერ ჩამომრეცხავს თვით უფლის სახე..
უსასოობა ბორგავს ძარღვებში,
ერთ დროს სიცოცხლე ძალით მიბოძეს.
თითქოს სხვის ფეხის თამაშს ავყევი,
თითქოს მიბაძვით მსურდეს სიცოცხლე.
როცა მუცლიდან დათარსულ გზაზე,
გველისებრ ბილიკს ბოლო უჩნდება.
დავიწყებ წივილს სატანის ხმაზე;
ამ გზაზე სული დამეჭმუჭნება.
ნუ მომაგებებთ ცისფერ წმინდანებს,
ნურც თავს დამამკობთ პოეტის დაფნას,
სულ - ხორც მოკვდავთა შორის მიმმარხეთ;
ზოგჯერ პაიკი იწირავს დამკას.
(sikvdili)
მესმის დამსხვრეულ წამთა ჟღარუნი,
წარსულს დაცინვა შეეძლოს თითქოს.
მაძრწუნებელი შიშის ხმაური,
მოაქვს სახეზე წამომსხარ ცივ ოფლს.
მოერეკება სიცოცხლე სიკვდილს;
ხვალ, განთიადზე ვხვდები საუფლოს.
მიწად მიქცევა ლოდივით მიმძიმს,
სამყარომ ჩემი სულიც აკურთხოს.
ღაწვზე ტყვიებად ჩამოდაღულან
წლები აწმყომდე პეშვით ნაზიდი.
წუთებს აფრენილს ფრთები დაუცვდა,
მერმისს ჩაბარდა დღენი განვლილი.
მდგმური ვარ ახლა საკუთარ სახლში,
სამყარო ჩემი ფარდით დავრჩდილე.
ბედო, სხვის ომში რატომ გამიშვი..?
გზა მომეც ღობის იქით განვიდე...
გარდასულ ლანდებს – ლოცვებად ჩაკრულს,
სამსჭვალზე გაცმულ ფიქრიან თვალებს,
ფერგამკრთალ მყობადს და მტვრიან წარსულს,
ვერ ჩამომრეცხავს თვით უფლის სახე..
უსასოობა ბორგავს ძარღვებში,
ერთ დროს სიცოცხლე ძალით მიბოძეს.
თითქოს სხვის ფეხის თამაშს ავყევი,
თითქოს მიბაძვით მსურდეს სიცოცხლე.
როცა მუცლიდან დათარსულ გზაზე,
გველისებრ ბილიკს ბოლო უჩნდება.
დავიწყებ წივილს სატანის ხმაზე;
ამ გზაზე სული დამეჭმუჭნება.
ნუ მომაგებებთ ცისფერ წმინდანებს,
ნურც თავს დამამკობთ პოეტის დაფნას,
სულ - ხორც მოკვდავთა შორის მიმმარხეთ;
ზოგჯერ პაიკი იწირავს დამკას.